الخميس، 18 فبراير 2016

اللي بينا كان مجرد#‏عمادصلاح‬


اللي بينا كان مجرد
حب عابر بس افور...
عشنا دور مش لينا اصلا
انتي عبله وانا ابقي عنتر...
كنت ببعت كل ليله
100 رساله من مسنجر...
جبت ليكي كتير هدايا
رغم اني بكون ماشفر...
عرفه ايه كل الحكايه
حب عابر بس افور...
والنصيبه أن حبك
كان بيفرق ف المشاعر...
واللي زاد كمان وغطي
ان انا ف الأصل شاعر....
يعني بفهم في العواطف. والمشاعر. والبنات...
قلبي صدي من الحكاوي
مل من كتر الآهات...
عشت طول العمر عايم
تجري بيا الدومات...
عاشق يجي الف وحده
وانتي كنتي شهرزاد...
وحدها فرقت معايا...
بس جت جيبه النهايه...
وبعد شوق وليالي فرحه
خلت كل الجو عكر...
تفرقي عن أي وحده
قلبي فيها مره فكر...
تفرقي.
حتي في بعادك...
كنتي عنهم فعلا اشطر...
والجزاء من جنس عمله
واللي قبلك قلبي عمله
داقه علي ايدك وأكتر...
هيا دي كل الحكايه
حب عابر بس افور...
........................................
‫#‏عمادصلاح‬
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)