نشرة أخبار المجلة

الثلاثاء، 26 أبريل، 2016

== {{{ نصيحة }}} ==اليان سمعان ابو طوني


==*==*== {{{ نصيحة }}} ==*==*==
----------------------------------------------------
اوعاك تجرح مرا لو كبر راسك
*==*== وتغلط بلحظة غضب وتضيع الاحساس
.....
ماتعملا فشة خلق للضرب والمسخرة
*==*== عندا كرامة وعقل بالدهب مابينقاس
.....
المرا يابني لوحة حنان مصورة
*==*== لاتكسر لبرواز الحلا وتهشم الالماس
.....
بتلوم حالك شو عملت وشو جرى
*==*== بتصير سيرة ضحك يتناقلوها الناس
.....
امك بعقلك دوم ست مقدرة
*==*== من خوفك ع اختك صايبك وسواس
.....
وبنتك بتربى بحب عاقياس ومسطرة
*==*== مربى الكرم بتقول وخدها مانباس
.....
خليك عندا دوم راس ومشورة
*==*== هيك وصونا الاهل بحفلة الاعراس
.....
المرا يابني سماع قطعة جوهرة
*==*== حطا بتاجك فخر والبسا عاراس
.........................................................
صباح الاحترام
صباح المحبة
صباح العيلة
صباح السعادة
للجميع